鐵拳英雄︳陳展鵬為騷結實身形脫水操盡 效力無綫14年離巢王君馨「被消失」

《鐵拳英雄》今晚晚九點半翡翠台首播，打響頭炮成為無綫2022年第一齣播出嘅新劇。《鐵拳英雄》主要演員包括視帝陳展鵬、視后唐詩詠、陳山聰、姚子羚、伍允龍、元秋、王君馨、劉穎鏇、歐瑞偉及張國強等。

同場加映：異搜店 ︳林漪娸凍齡襟睇敢以素顏演阿媽 「演戲好開心 唔介意做綠葉」

{{hket:ul-video id="5056"}}{{/hket:ul-video}}

《鐵拳英雄》以六、七十年代的曼谷唐人街為背景，描述功夫嘅哲學智慧。動作場面花咗長時間拍攝，就連有拍攝打戲經驗嘅兩位男主角都大呻辛苦，陳展鵬表示：「有一場打戲要戴晒手鐐、腳鐐去打，好有困難，要諗點設計啲動作同埋點樣做出最好嘅效果，嗰一組戲歷時4個月，分咗7日嚟拍攝。」又謂為了保持完美身段，吃盡苦頭，「劇組教我『甩水』，即係頭3、4日每日飲7L水，一日去20次廁所左右。去到正式拍嗰時一啲水都唔可以飲。」陳展鵬又大讚女主角唐詩詠大有進步，擺脫固有形象，「我同佢有好多火花！」

{{hket:inline-image name="03.JPG"}}{{/hket:inline-image}}

陳山聰就指今次係佢入行以嚟最辛苦嘅一次，「今次我個角色集合咗好多門功夫，最緊要係冇用替身，好似啲穿門呀，爆窗場面咁，都係自己親身上陣。」他與陳展鵬一樣，keep fit係好大考驗，「雖然平時都有操開，但今次要更加努力，我用咗4個月時間去操，真係瘦咗同乾咗好多，又要操又要打係好辛苦嘅。」第一次同伍允龍合作，陳山聰透露「打得合拍」，「我哋節奏好夾，佢話同我打好舒服，對我嚟講係強心針，信心大增！」另外，同姚子羚演慣情侶嘅佢，直指今次與對方有唔少「激烈場面」，笑謂：「kiss戲我哋已經駕輕就熟！」

{{hket:inline-image name="14.JPG"}}{{/hket:inline-image}}

至於出名好武功嘅伍允龍，指今次角色「夜來吉」畀到佢新鮮感，「以前演嘅都係比較嚴肅、火爆嘅角色，今次就可愛啲。」伍允龍感謝監製文偉鴻畀佢選擇自己喜歡嘅功夫「上陣」，「我揀咗打洪拳，我對南方嘅功夫比較熟悉，可以容易啲去演戲，唔使花太多時間諗招式，可以着重點樣去演好角色。」同樣功夫了得嘅元秋，今次會轉戰「喊戲」，大讚「囝囝」陳展鵬劇內劇外一樣乖仔，「佢好錫我，大家有問題會互相提問，溝通做得好好。（覺得佢身手點？）比《城寨英雄》時進步咗好多。」

早前無綫喺內地宣傳呢套重頭劇，就畀網民批評「小器」，事關「TVB官方微博」只有陳展鵬、唐詩詠、陳山聰、姚子羚和伍允龍嘅劇照，已離職嘅王君馨就冇相，就連名都冇，完全「被消失」。

唔少網民都為王君馨抱不平，留言：「人一離巢照片和艾特（@）都不配擁有」、「放一張王君馨（劇照）會死嗎？」、「王君馨為無綫服務14年，要不要這麼小器」、「王君馨演的花曼打得最好看，竟然不配有一個名字」，都有人認為「人走茶涼」好正常。

2007年21歲王君馨參選香港小姐奪得亞軍後加入無綫，翌年參加節目《舞動奇跡II》更奪得冠軍。2013年11月她與「星夢娛樂」簽約，出道唱歌，一年不到就以「想專注拍劇」為由解約。2016年王君馨於《城寨英雄》中飾演「花曼/朝霞」，並於《萬千星輝頒獎典禮2016》奪得「最受歡迎電視女角色」獎。直到2021年12月離職，結束與無綫14年之賓主關係。

撰文：黃蘊姿